Ka tnat ka koit ka khiah jong ka sorkar jylla mynta ka sngi kala pyntip ba ki briew kiba la ngat thymmai (COVID-19 positive) ha ka jylla baroh kawei ki don 55 ngut, kiba la koit na ka jingpang ki don 160 ngut, don ar ngut kiba khlad na kane ka jingshitom, iwei na East Khasi Hills bad iwei na West Garo Hills.
Haba lum jingkheiñ ia baroh ki test ba la pynthikna Positive naduh ba sdang haduh mynta ki don 93,071 ngut, kiba la koit na kane ka jingpang ki dong 90,879 ngut. Kiba dang long Positive haduh mynta ki don 609 ngut bad kiba khlad baroh naduh ba sdang ki long 1565 ngut.
Na Ri Lum Jaintia: Na East Jaintia Hills ym don ba ioh pang thymmai, iwei i ba dang koit bad ym don ba khlad mynta ka sngi. Na West Jaintia Hills don iwei ba ngat thymmai, 19 ngut ki ba koit bad ym don ruh ba khlad mynta ka sngi.
Katkum kane ka kaiphot ka paw ba mynta ka sngi hapoh ka jylla kiba bun eh kiba ngat thymmai ha une u khniang jingpang Covid-19 ka dei ka East Khasi Hills ka ba don 24 ngut bud sa ka Ri Bhoi District bad West Garo Hills mar 14 ngut.