Ka tnat ka koit ka khiah jong ka sorkar jylla mynta ka sngi kala pyntip ba ki briew kiba la ngat thymmai (COVID-19 positive) ha ka jylla baroh kawei ki don 184 ngut, kiba la koit na ka jingpang ki don 159 ngut katba kiba la khlad na kane ka jingshitom ki don 3 ngut. Kine kiba khlad baroh ki dei ki bym pat dep ai ia ka tika jingiada Covid.
Na Ri Lum Jaintia: Na East Jaintia Hills ki ba ioh pang thymmai ki don 2 ngut, ki ba koit ki don 6 ngut bad ym don satia ba khlad mynta ka sngi. Na West Jaintia Hills pat kiba dang ngat thymmai ki don 19 ngut, kiba la koit ki don 59 ngut bad iwei i ba khlad mynta ka sngi.
Katkum kane ka kaiphot ka pynpaw ba mynta ka sngi hapoh ka jylla kiba bun eh kiba ngat thymmai ha une u khniang jingpang Covid-19 ka dei ka East Khasi Hills kiba don 91 ngut bud sa ka West Khasi Hills 62 ngut.
