Ha ka 19th Risaw 2021, ka ophis jong ka Society For Urban & Rural Empowerment (SURE), Jowai ka la lah pynkut ia ka Embroidery Training ha Community Facility Centre Mukhap ha ka shnong Mukhap ,West Jaintia Hills District, Laskein Block. Ia kane ka Embroidery Training la sdang naduh 6th Nailur haduh 15th Risaw 2021. Ki don haduh 21 ngut ki nongshah hikai (Trainees).
Ia ka jingialang la pyniaid da i ma Waiphangki Shadap, Field Coordinator ha kaba i Rev. H.H Mohrmen i long kum i kongsan ha ryngkat ka jingiadonlang ki President, Secretary ka Village Organization (VO), Nongshah hikai (Trainees), Nonghikai Suhsyntiew (Master trainer), ki dkhot jong ka PGS group bad ki nongtrei ka SURE.
Ka thong jong kane ka training ka long ban ai ia ka basic training bad ban kyntiew ia sap kaba ki don, bad ha kajuh ka por ban pynkiew ia ka ioh ka kot khamtam ia ki kynthei bad khynnah samla.
Kane ka training ka long shibynta na ka project “No one shall be left behind: initiative” ha ryngkat ka jingtreilang bad ka North East Slow Food Agrobiodiversity Society (NESFAS), Shillong kaba la bei jingiarap da ka Rural Electrification Corporation (REC).
Ka shnong Mukhap ka long ka shnong kaba pawnam ha ka rep ka riang ban pynmih ia ki jhur, ki soh ki pai, ki jingbam food processing kum ki achar, dry fruits, candy ter ter bad kumjuh ruh ki jaiñ ba lah thaiñ bad pynmih da ka Mukhap Handloom & Handicrafts.
I kong Sharki Suchiang iwei na ki nongshah hikai ha kane ka training bad ha kajuh ka por ka nongthaiñ hapoh ha Mukhap Handloom & Handicrafts i pynpaw ia ka jingsngewnguh ia ka ophis na ka bynta kane ka training. Ka long ka jingmyntoi shibun bha ia i bad i la angnud lah slem bha ban ioh jinghikai shaphang kane ka embroidery.
Na ka liang jong i kong Dalangki Suchiang, Master Trainer ha kane ka training i ong ba kane ka dei ka sien nyngkong ia i ba in long kum ka nonghikai bad i pynpaw ia ka jingkmen bad jingsngewnguh kaba khraw ia ka ophis ba la jied ia i ban long i nonghikai bad i ong in nangtrei shitom bad i kloi ruh ban iarap ia kito ki nongshah hikai lada ki don kano kano ka jingeh bad i kyrmen ruh ba lyngba kane ka training kan ai jingmyntoi shibun ia i shimet bad ia ki nongsah hikai kumjuh.
Na ka liang jong i Rev.H.H. Mohrmen, i ba long i kongsan ha kane ka sngi i iathuh ba kumno ban pynbha shuh shuh ia ki mar ba pynmih napoh ka shnong lane ban add value ia kita ki mar ba pher bapher khnang ba kin kham pher na kito kiba phi shait pynmih. Shuh shuh u ong ba dei ban shimkhia ia ka kam kaba phi trei bad ha kajuh ka por ban nang pynjanai shuh ia ka sap kaba phi ioh lyngba kane ka training. I ai nuska ruh kumno ia ki shyieng sohiong ngi lah ban shna design ia ki ha kino kino ki jingsuh kiba phi suh, bad ban peit sawdong sawkun ia ka mariang kaba lah ban ai ia ngi shibun ki jingmyntoi ki ba lah ban pyn itynnad ia ki jingsuh jong phi. Nalor ka training ba phi lah ioh, phi lah ruh ban peit na Youtube ban wad jingtip shaphang ka kam suh syntiew khnang ba kan nang kham pynjanai shuh ia kata ka sap ba phi ioh na kane ka training. I ong ruh ia ki tiar lane ki jain ba phi suhsyntiew phi lah ban wan buh ia ki ha dukan jong ka SURE kaba don hajan school H.K.Singh, Jowai.
Hadien ka jingialang la ioh ruh ia ki jingsam ia ki certificate bad khusnam sha kito ki nongjop ha ka post test evaluation embroidery training kaba pynlong ha ka 15th Risaw 2021, bad kumjuh ruh la sam ia ki certificate bad stipend ia ki nongshah hikai baroh. Ia ka khusnam ba nyngkong la ioh rah da i kong Dawanlang – i Niang, ba ar da i kong Deiwa Niang bad balai da i Kong Niewkor Papang.
Ia ki kyntien ai khublei la ioh na i kong Dakapaia Bareh, Field Coordinator.
