Ka Kshaid Synrang-tyngkong, kaba don ha shnong Mutong, East Jaintia Hills District, kaba dei ruh kawei na ki jaka ba itynnad ha East Jaintia Hills District kaba lah ban pynlong kum ka jaka jngohkai pyrthei.
Ka khana pateng ka ïathuh ba la khot ïa kane ka kshaid da ka Synrang-Tyngkong na ka daw ba hapoh kane ka kshaid ki don bun ki synrang maw kiba long kum ki kamra (tyngkong) shapoh, kata ki krem kiba long kum ki kamra kiba don sha lyndet ka kshaid.
Kumba long mynta bun ki briew ki la sdang ban wan jngohkai ïa ka jingithiang kane ka kshaid bad la khmih lynti ruh ba kane ka Kshaid Synrang-tyngkong kan sa long kawei na ki jaka jngohkai pyrthei ba paw ha East Jaintia Hills District.
