KHOOID YA KA WAH MYNTDU
(Chirup u ya krehlang i)
Ka Khooid ya ka wah Myntdu, da ka pyrkhat kawa chæ wa dei mynsien iwa ka it iwa kmen, pynemwarom lang ko chirup ya kani ka sngi wa kha ya u Jisu Christ ha kani ka sngi wa kyntang ka 25 tarik u bnai Kmaichonglad 2021. Heijuh ipor u lehkmen i ya u snem uwa rim 2021 wa u pdiang i ya u snem uwa thymme 2022 dei pyrkhat wei mynsien iwa yow nang im ka sniaw yong bru, yow nang chait nang khlan chuh chuh ka jingim ka yong i ki bru chirup wa kiwa im ha tawiar ka wah Myntdu kamjuh ha ki Ri Jaiñtia wa ka Ri India yong i waroh kawi.
Kamtæ yow yoh Um da kawa Khooid, yow lait u syaid ka La’er mynda riñ mynsien, yow neh ka khyndaw, yow chngaiñ ka jingim mynda tymmen mynda heh ki khon, ki khonruid ki yong phi, kyrpad ko ya waroh kiwa chong chnong ha tawiar ka wah Myntdu, wa to sniawbha pynemwarom ya kani ka Christmas wa u pdiang ya u Snem warim wa u Snem thymme dei wa u dam noh i u pynemkaam da ki Khuri Plastic hawa dih cha, ki Klong um dih Plastic hawa dih um, wa u dam noh u Tympiah ya ki Klong Kiad ha i lehkmen lehsniawbha ha yung namo ha ki yalang paidbah namo hawa lai bam doh cha loom khamtam ha waroh ki bynta yong ka wah Myntdu, yow lait kini ki klong piah u dung u ah ya ki warep namo ha ki thaw paidbah. Kyrpad i ya waroh ki manpa ki manbei yaleh u Pynchlur yaki khon ki khonruid ki yong phi yow dam noh ki u noh ya ki plastic thap bam kat cha wa ngait.
Kyntu i ya phi waroh to yn yakrehlang i chirup chirup kam ki bru kiwa im kiwa sniawthuh ya i man Kyntang iwa booh u BLAI ya i heini ha pyrthai kawa man ka yung kawa chngaiñ dei bor dei mynsien ka Beirymaw. Ya katæ ka jingim kawa chngaiñ wa Chait, u man i lada dang sniaw mantre phi ya ini iwa da booh kyntang u BLAI yow ya imlang sahlang i chirup, katwa dang im i heini ha pyrthai.
Khublei Chiboon
Sd/-
Ma. Khroo L Pariat, President
Ma. Dapherborn N Suchiang, General Secretary