Ka Sengkhihlang kumba ka juh leh man la u Snem te mynta u Snem ka Lympung ba 36 ka Sengkhihlang kan long haka Seiñ Raij Muthlong West Jaiñtia Hills District, ki tarik ba kane ka Lympung ba 36 ka Sengkhihlang kan long kidei ha ka 17,18,19- Ïaiong April 2026.
Kumta ïa u Mawbynna Sahnam jong kane ka Lympung ba 36 ka Sengkhihlang yn wanrah ïa u da ka Sengkhasi Diengiei Nongthliew. Ïa kane ka Lympung yn sdang ïa ka ha por 10:00 Am thik ha ka sngi pynkut katta ha ka 19/04/2026 ha ka jaka ba kyrteng ka Wah Lapong ha Muthlong.
Na ka liang jong ka Sengkhihlang ka pyntip ïa ki tnad Sengkhasi bad Seiñ Raij bapher bapher lynba kane ka lad pyllait khubor ba kin sngewbha ban ïa shim khia hala ki jong ki tnad Sengkhasi bad Seiñ Raij bapher bapher ba phin ïawan sha kattae ka Lympung 36 ka Sengkhihlang ha Seiñ Raij Muthlong West Jaiñtia Hills da ka jingim Tipbriew bad Tiplei ha ryngkhat bad ka Akor ka Burom.
Ka jingjngai ka long na Nongstoiñ sha Muthlong ka long 154 km, Shillong sha Muthlong 73 km, Amlarem sha Muthlong 44 km, Jowai-Muthlong 15 km, Khliehriat-Muthlong 23 km, Nongpoh-Muthlong 120 km, Mawsynram-Muthlong 124 km bad na Pynursla-Muthlong 99 km.
Kane ka long katkum ka jingpyllait khubor u Rgh. Standbyme Sari Publicity Secretary Sengkhihlang Sengkmie.
