Ka Meghalaya Star 30 Programme, kaba la plie paidbah ha ka 15 tarik Kyllalyngkot 2024 bad kaba la sdang da ka State Council of Science, Technology and Environment (SCSTE) ka thmu ban ai jinghikai na ka bynta shiphew bnai ia ki samla pule ryngkat ka jaka sah ia kito kiba don jingthmu ban ialeh ia ka eksam NEET ha State Institute of Rural Development (SIRD), Nongsder.
Kumba long mynta kil don 48 ngut ki samla pule ki la shah pynrung kyrteng hapoh ka Meghalaya Star 30 Program.
Nalor ka Residential Coaching Programme, ki samla pule ki lah ruh ban ioh ia ki tiar pule bad ki lad jingiarap ban kyrshan ia ka jingpynkhreh jong ki na ka bynta ka prokram NEET da kaba wad jingtip ha ka youtube ‘@MEGHALAYASTAR30’ bad da kaba leit ha ka LMS tab jong ka Website jong ka SCSTE, ka lms.scste.org/course /peit.php?id=3, pyntip da u District Planning Officer jong ka East Jaiñtia Hills District, Khliehriat.