Ka Hynniewtrep National Youth Front (HNYF), South East Sohra Circle ha ka 16 tarik Kyllalyngkot 2026 ki la wan ban kynduh ia u Register Officer jong ka National Institute of Technology NIT ha Sohra ban dawa weng noh ia ka North East Security Service (NESS) ka agency kaba ioh ban pyniaid ia ka kam pahara ha NIT Sohra hadien ba ka la pyndonkam bakla ia ka trading License ba ioh na Khasi Hills Autonomous District Council.
Haba kren sha ki lad pathai khubor u Nongaiktien ka Seng u Bah Banjop Khongwir u la ong lada kane ka NESS Agency ka la shah pynduh bad shah weng noh na ka NIT Ki Security Guard ne ki nongap pahara kim dei ban duh ia ka nong kaba ki la trei kum ki nongap pahara jong mynta u bnai.
Nalor kata u la ong ba ka Seng ka la iakren ruh haba iadei bad ka NOC ha kaba ka Seng ka la iakynduh ia u Sordar ka Elaka Saitsohpen bad u khlem shym la ai ia ka NOC sha kane ka Agency bad khlem ka NOC kin nym ioh ia ka trading License.
Shuh shuh u la ong na ka liang u Register officer ka NIT u la pyntip ba ka NESS ka khlem submit ia ka trading License bad ka ai da ka Certificate na KHADC bad ioh ban pyniaid kam ha NIT.
Ka Seng HNYF South East Sohra Circle ka kren da kaba shai ia ka Khasi Hills Autonomous District Council ba lada ka ai Certificate ka dei ban da buh lang ia ki jaka bad ki kyrteng ia kino kino ki Company ba wan nabar ban trei ha ka jaka ba hap ha ka Sixth Schedule.
Khatduh u la ong ba na ka liang u Register officer ka NIT u la pyntip sha ka Seng ba ka NIT kan sa bishar bniah ia ka NESS bad lada kam biang ka jubab kum ba ioh na ka District Council kan sa beh noh ia Kane ka Agency.
