Ki ar tylli ki skul na West Jaiñtia Hills District ka North Liberty HSS, Jowai bad ka RC Eve’s SS, Mihmyntdu kin ïoh ban mihkhmat ïa ka District ban ïakhun ïa ka Inter District Subroto Cup Football Tournament 2022 ha nongbah Shillong, hadien ba kila ïoh ban rah ïa ka nam lahduh hapoh ka District.
Ka jingïakhun Final jong ka ‘Inter School Subroto-Cup Football Tournament- 2022’ ka West Jaiñtia Hills District kala long hynnin ka sngi (25.06.2022) ha madan Kiang Nangbah Stadium, Jowai.
Ha kane ka jingïakhun ka North Liberty HSS kala ïoh ban rah ïa ka nam lahduh ha baroh ar ki jingïakhun jong ki khynnah kynthei bad ki khynnah synrang ha ka jingïalehkai U-17.
Ha jingïalehkai U-17 ki khynnah kynthei ka North Liberty HSS kala lah ba pynliem ïa ka Kiang Nangbah HSS da 3-0 kol. Katba ki khynnah shynrang jong ka North Liberty HSS kila pynliem ïa ka Little Flower HSS, Ummulong da 1-0 kol.
Ha ka jingïalehkai U-14 jong ki khynnah shynrang ka RC Eve’s Secondary School kala pynliem ïa ka North Liberty HSS da 2-1 kol.