Ka Pradhan Mantri Formalisation of Micro Food Processing Enterprises (PMFME )Skhim Mahotsav ha ka 28 tarik Lber ka la rakhe kyrpang ia ka Local Food Processing bad Entrepreneur na ka bynta ki nongseng kam lajong kiba la ioh jingmyntoi lyngba kane ka skhim PMFME Mahotsav.
Haba kren sha ki lad pathai khubor u Bah MD Shadap uba dei u ophisar u la ong ba kane ka iew ka dei kaba la buh kyrpang na ka bynta kito kiba la ioh ia kane ka skhim. Kane ka skhim ka dei kaba la sdang naduh u snem 2020 bad ka la iaid mynta la san snem.
U la ong ruh kane ka Scheme ka ai khamtam ia kito ki Entrepreneur kiba dang shu sdang ia ka kam bad kane ka skhim ka wan lyngba ka Ministry of food industry ha Meghalaya ka Nodal Agency ka dei ka Directorate of Food Processing ba don hapoh ka Department of Agriculture & Famers Welfare.
Shuh shuh u la ong kane ka skhim ka iarap ha ki ba bun ki bynta kawei ka dei ka Credit link subsidy kaba ai haduh 35 percent ka Subsidy bad ngi iarap ban pynioh ia kane ka skhim bad ki don ki District Resources Person ha District ban iarap ia ki briew ban apply ia kane ka skhim lyngba ka Portal.
U la ong ka seeding jong ka subsidy ka dei haduh 10 lakh bad uno uno u Entrepreneurs u ba don ia ka budget haduh 20-30 lakh un ioh ia ka subsidy haduh 10 lakh. U la ong ka don ka Seed capital kaba ngi ai 40 hajar tang ia ki SHG Member lyngba ka MSLRS bad kumba 3500 ngut ki SHG Member lah dep ban approved bad kumba 8.5 klur ka pisa la dep ban pyllait.
Ha kane ka sngi la ioh ruh ban iakren bad katto katne ki Nongseng kam lajong kiba wan na ka kylleng ki shnong kiba la ioh jingiarap lyngba ka MSLRS bad kumjuh na ka Skhim PMFME. Ka wei ne ki longkmie na Jaintia Hills na ka shnong Raliang iba kyrteng i Kong Sakhihok Lamare i pynpaw ia ka jingkmen ba ioh jingiarap lyngba kane ka Skhim PMFME Skhim namar ka ai jingmyntoi shibun bad lyngba kane ka skhim i la ioh ban shna ki Jingbam ba bunjait kynthup ia ki umsoh, ki wine bad kiwei kiwei de bad i kyrmen lyngba kane ka skhim PMFME ba in ioh shuh shuh ban pynheh ia ka kam lajong bad ban ioh ai kam lang ia kiwei.
