U Myntri Khynnah jong ka Sorkar Pdeng ba dei peit ïa ka Tnad Corporate Affairs and Road, Transport & Highways, u Harsh Malhotra u la ong, ka Poshan Abhiyaan ka dei ka sienjam jong ka Sorkar Modi ban wanrah jingkylla ha ka jingpynbeit ïa ka jingduna ha ka jingioh ka bam kaba tei met bad ban kyntiew ïa ka koit ka khiah, ka bha ka miat bad ka bor ialeh pyrshah ia ki jingpang. Ka India ka mad ia shibun ki jait jingpang naduh ba dang kha, haduh kiba la san, kumta lyngba kane ka synjam, ka tnad ka kyrmen ba ka Ri India kan paw ha ka pyrthei ha ka rukom im da ki bam kiba bha bad kiba tei.
Kum shi bynta jong ka Poshan Abhiyaan, u Myntri u la sam kumba 300 tylli ki song jong ki jingbam ba tei met sha ki nongïoh jingmyntoi ha Aggarwal Dharamshala Bhawan, Shakarpur, Delhi, mynta ka sngi.
Ha kane ka sngi u dkhot jong ka iing dorbar thawain, Lakshmi Nagar u Abhay Verma lem bad ki councillor kum ka Alka Raghav, ka Yashpal Kaintura bad u Ram Kishore Sharma ki la iadonlang ha kane ka sngi.
U Malhotra u la ong ba u Modi ji u ju shim ïa ka Poshan Abhiyan kum ka sienjam kaba kongsan ban ïakhun pyrshah ïa ka jingduna ha ka jingioh ia ka bam kaba tei ha ka ri bad u pynshlur ïa ka rukom treikam mission mode ban weng ïa kane ka jingeh. U la ong ba ka Poshan Abhiyan ka buh thong ia ki khynnah, ki khynnah kynthei kiba dang khie samla, ki longkmie ba armet bad ki longkmie kiba ai buin kaba long ka dak jong ka jingshimkhia ka Sorkar Modi na ka bynta ka roi ka par ba pura jong ka imlang sahlang.
U Myntri u la pynpaw ba ka jingbam kaba biang ha ka por ba dang rit ka long kaba kongsan bha na ka bynta ka jingkiew shaphrang ha ka bor sngewthuh bad ka Poshan Abhiyan ka ialeh ban pynthikna ba ki khynnah kin ïoh ïa ka jingbam kaba biang na ka bynta ka jingkiew bad jingsan kaba paka. U la ïaroh ïa ka Poshan Tracker kaba iarap ban buddien ha ka por ïa ki jingshakri ba iadei bad ka jingioh ia ka bam kaba tei met ha ki Anganwadi Centre ha kaba ki nongïoh jingmyntoi mynta ki lah ban pynrung kyrteng dalade lyngba ka Poshan Tracker Web App na ka bynta ban kyntiew shuh shuh ia ka jingioh bynta. Ka Poshan Tracker ka iarap ia ki Nongtrei Anganwadi ban pynbiang ia ka jingwan, ka jingpeit bniah ia ka jingheh jingsan, ka jingsam ia ki jingbam, bad ka jinghikai ia ki khynnah rit, da kaba pynthikna ba ka don ka jingbuddien bad ka jingkyrshan ia ki nongioh jingmyntoi.
U Harsh Malhotra u la ong na ka bynta ban pynthikna ia ka jingkiew kaba neh ha ka jinglong jingman jong ka jingioh ia ka bam kaba tei, ki khynnah ki dei ban ioh ia ki jingbam kiba tei bad u la ban jur ruh ba lyngba ka jingkyntiew ia ka jingbam kaba tei met kan wanrah ruh ia ka jingduna ha ka jingduna snam bad ka jinglong samah ha ki khynnah. U la kyntu ba ka jingbam kaba tei ka don ka bynta kaba kongsan ha ka jingheh jingsan jong u khynnah bad ka jingbam kaba biang ka long kaba donkam bha na ka bynta ki khynnah ba kin kot sha ka jinglong jingman ba kidei ban poi, bad ka jingbam kaba biang ka don ka jingmyntoi kaba jrong samoi na ka bynta ka jingheh jingsan jong ka met bad ka jingsngew jong ki. Shuh shuh, u la ong, da kaba weng ia ka jingduna ha ka jingioh ia ka bam kaba tei bad kyntiew ia ka jingbam kaba bha, ka Poshan Abhiyan ka lah ban ktah ia ka bor treikam jong ki briew ka India, ka jingseisoh ha ka ioh ka kot, bad ka roi ka par kaba iaineh.
“To ngin kut jingmut ban ïatreilang, ban pynthikna ba uwei pa uwei u khynnah, ka kmie, bad ka longïing ha India kin ïoh ïa ki jingbam kiba tei met bad ka lawei kaba koit ba khiah,” la ong u Myntri, ha ka jingpynkut da kaba ong ba ka jingdonkam jong kane ka por ka long ba “baroh ki ïoh ïa ka jingbam kaba kham bha mynta na ka bynta ka lawei kaba kham bha” kaba lah ban pynkylla ïa ka ri sha kaba Koit ba Khiah bad ka Vikshit Bharat.