Shi bynta ban ïaidbeit ka jingpynhap pyrda ïa ka 6th Meghalaya Games ka ban long mynta ka sngi saitjaiñ 25.01.2025 ha Kiang Nangbah Stadium, Jowai. Na ka liang ka ophis u Superintendent of Police, Jowai kala pynbeit ïa ka rukom ïaid ki kali kaba long kumne.
Naduh ka por 2 baje nohphai sngi shaneng ha ki bynta u surok na Ïawthymme sha madan Kiang Nangbah Stadium yn shah ban ïaid tang ki kali VIPs bad ki officials ba don ïa ki Car Pass.
La shah ban ïaid tang shilliang (One Way Entry) ha u surok na Salaroh sha Polytechnic, Jowai. La buh ‘No Entry’ ha u surok na Dongmihsngi sha Kiang Nangbah Stadium.
Yn shah ban pynïeng tang shilliang surok (One-side parking) na u surok Salaroh sah Polytechnic, Jowai na ka bynta ki paidbah.
Ha kaba ïadei bad kane la kyntu ïa baroh ki Waheh Shnong bad kumjuh ïa ki paidbah nongshong shnong ba kin long kiba ïaishah ïa kane ka jingpynbeit, khnang ban ïaid beit ka jingpynhap pyrda ïaka 6th Meghalaya Games 2025 ha Jowai.