Kum shi bynta ban wanrah ia ka jingiaidbeit iaid ryntih ka jingniew vote lashai ka sngi (2/3/2023) ka ban pynlong ha ophis jong u Deputy Commissioner ka West Jaiñtia Hills District, bad khnang ban lait na kano kano ka kynrum kynram ka iaid ka ieng, na ka liang jong u Superintendent of Police ka West Jaiñtia Hills ula pynmih ia ka rukom pyniaid kali (Traffic arrangement) ha nongbah Jowai na ka bynta lashai ka sngi.
Ki pulit Traffic ka nongbah Jowai kin buh ia ka No Entry ha lad Thomas Jones ban poi sha D.C. Office. Yn buh No Entry ha Tpep-Pale ban poi sha Iawmusiang. Yn buh No Entry na Mission Compound sha Iawmusiang haduh D.C Office. Yn buh No Entry ha lai lad H.K. Singh shaduh D.C Office. Yn buh No Entry ruh ha jaka pynieng kali Dawki ban poi sha D.C Office.
Baroh ki kali kiba poi na ki thaiñ Riatsiatsim ki dei ban iaid sha ka liang Mynthong ne sha District Library. Ki kali kiba wan na ki thaiñ Khimmusniang bad Jrisalein ki dei ban iaid lyngba ia ka surok na Chutwakhu. Ki kali kiba poi na ki thaiñ New Hill bad Shillong kin hap phai sha ki thaiñ Kynruh Saphlang bad Thomas Jones.
