Ka Seiñ Kyntu Seiñ Raij 12 Daloi ka pynlong ia ka jingrakhe ia ka lyngkhuh sngi iap ba 159 u Khlawait ka Rilum Jaintia u Woh Kiang Nangbah ia kane ka program la pynlong ia ka ha phyllaw ka office treikam jong ka ha Phramer Thadmuthlong C, ha kane ka sngi la kynmaw burom ia u Woh Kiang Nangbah Khlawait ka Rilum Jaintia da kaba sdang da ka jingpynher ia ka Lama ka Seiñ Kyntu Seiñ Raij 12 Daloi bad bud pat sa ka leit buh syntiew ha ka dur mot jong u Woh Kiang Nangbah ha ka jingialam jong u Rgh. Womly Chyrmang President ka Seiñ Kyntu Seiñ Raij 12 Daloi bad bud pat sa kiwei de ki tnad Seiñ Raij bapher bapher ban buh syntiew ha ka dur mot jong u. Ia kane ka program la pyniaid da u Rgh, Womly Chyrmang President ka Seiñ ha ryngkat ka jingiadon lang u General Secretary ka Seiñ u Rgh, Leki Saioo bad ki dkhot ka Seiñ Kyntu Seiñ Raij 12 Daloi, ki riew Rangbah bad longkmie na ki tnad Sein Raij bapher bapher bad la ia don lang ruh bad u President Rangbah ka Seiñ Raij Tuber u Rgh, Harwis Phawa, u President ka Seiñ Raij Muthlong u Rgh. Meliyo Lyngdoh bad kiwei kiwei de ki Rangbah bad longkmie na ka Seiñ Raij Muthlong, ha kane ka sngi la pynshong shit shuh ia kane ka program da ki shad tynre na ki tnad Seiñ Raij bapher bapher bad la ioh ruh ia ka jingiathuh khana story shaphang u Woh Kiang Nangbah da u Rgh, Pet Dhar General Secretary ka Seiñ Raij Nangbah. Kane ka long katkum ka jing pyllait Khubor u Rgh, Standbyme Sari Advisers ka Seiñ Kyntu Seiñ Raij 12 Daloi.
