U Myntri Sorkar jylla uba bat ruh ia ka tnad Excise u Bah Kyrmen Shylla hynne ka sngi ka 28 tarik Naitung 2025 haba kren sha ki lad pathai khubor haba iadei bad ka Kyiad u la ong ba kam dei ka kam jong u ban ong ka kiad ka bha ne kam bha.
U la pynpaw ba ha kiwei ki jylla, ki bym shah die kyiad, ka jur bha ka jingpyndonkam ia u droks, bad u la ong u droks u dei u jingdih uba ma bad shyrkhei bha bad ka lah ban ktah ia ki samla bad ia kiba la heh la san.
Shuh shuh u la ong ka sorkar ka peit ha kino ki jaka ba duna kiba die kiad ki shah ia kato katne ban buh dukan bad kim shah ban buh bun tylli.
U bah Kyrmen u la ong, ka sorkar ka peit ia ki kot ki sla bad kam mut ba ki ïoh NOC na ki Rangbah Shnong kin ïoh noh ban buh dukan kyiad, hynrei ka tnat kan sa peit bha ia kane.
U la bynrap haba iadei bad ka jingioh khajna na ki dukan kyiad, u la ong ba mynta um pat tip haduh katno kin ïoh hynrei kin tang shu dep bad pyntreikam ia ki QR code ka jingioh kan kiew Shibun ym mynta mynta hynrei ha kine ki snem ki ban wan.
