U Myntri Rangbah ka jylla u Conrad K Sangma haba kren sha ki lad pathai khubor hynne ka sngi halor ka jingjah ki arngut ki nongjngohkai na Indore ha Sohra. U la ong ka long ka jingjia kaba pynkyndit ia baroh ki paidbah ka jylla.
Shuh shuh u la ong ba ka Sohra ka dei ka jaka kaba khring bha ia ki nongwan jngohkai na kylleng ka pyrthei bad ka long ka jaka kaba shngaiñ bha hynrei ka jingjah ki arngut ki shikurim ha Sohra kala pynkyndit ia baroh bad ka sorkar kan trei shitom ban wad haduh ban da lap. Hadien ka jingtrei shitom ki Pulit ki lap ia ka met u Raja Raghuvanshi, kumta na ka liang u Myntri Rangbah u phah ka khubor sngewlem sha ki bahaing bahasem halor ka jingkhlad noh u Raja Raghuvanshi u kurim jong ka Sonam Raghuvanshi ha Sohra hadien ka jingjah rngai.
U la bynrap ka sorkar kan ym shong kli kti bad kan trei shitom ban wad ia ka jingshisha baroh haduh ban ioh ia ka jingbishar kaba hok halor ka jingjia ia ki arngut ki nongwan jngohkai pyrthei na Indore.