Ka seng ki samla pule ka Jaintia Sutdents’ Union (JSU) ka la phah ia ka kyrwoh kaba shai sha ka Top Cem Company ba ka dei ban weng lane kynriah kam mardor ia ki ar ngut ki nongtrei bar jylla jong ka kiba pynshit bad phah bom phah tied ia ki paitbah ha ka sngi ba pynlong ia ka Public hearing jong katei ka Company ha ka 24 tarik mynta u bnai.
Ka seng ka la dep ban phah ia ka kyrwoh kaba myne ka sngi sha ki heh jong ka Company ba ki dei ban weng noh ia kitei ki bar jylla bad kim dei ban buh ia ki lane dang pyntrei ia ki hapoh ka jylla namar lada jia ei ei ia ki ka company ka hap ban khlieh hi lada mih kano kano kaba sngewsih.