Ka Green Tech Foundation (GTF) mynta ka sngi ka 23 tarik Nailar 2025 ka la iakynduh ia ki nongthoh khubor halor ka jinglap RTI haba iadei bad ka jingpyntrei ia ka Wah Umkhrah kaba 39 klur tam da ka M/S Ganpati Associated & Bikash Harlalka Goenka Towers Keating Road.
Haba kren bad ki nongthoh khubor na ka liang u Chairman u H. Bansiewdor Nonglang u la pyntip ba ka kynhun ka la wad ia ka RTI halor ka jingpyntrei ia ka Project Wahumkhrah kaba la pyntrei naduh u snem 2024 ha u bnai March bad la buh ban pyndep hapoh 18 bnai bad haduh mynta ka kynhun ka la lap ba tang 10 percent ruh ka project kim pat dep bad kaba sah mynta ka long sa tang 6 bnai bad ia katei ka project hap ban pyndep noh.
U la kyntu ia ka tnad Urban jong ka Sorkar jylla, lada ia kane ka project Wahumkhrah kaba 39 klur tam kam i poi shano shano ruh sangeh shwa ban wanrah ia kino kino ki project halor ka Wahumkhrah bad wat pynlong ia ka Wahumkhrah ka jaka shna pisa jaka shna tyngka jong no re jong no.
Shuh shuh u la ong na ka liang ka Green Tech Foundation ka la pyntip ba ka Wahumkhrah ka dei kawei ka mat ba ka kynhun kan iakhun ban wanrah ia ka jingkhuid bad ka jingjyrngam bad ka kynhun ka maham ia baroh khamtam ia kiba wan ban pyntrei ia kane ka project nangno nangno bad lada khlem tip ia ka sdang ka kut nai ia wan trei klumar.
