Ka jingpang lamwir ha ki ksew ka dei ka jingpang kaba ktah ia ki bynta jong ki thied jabieng.
Kane ka jingpang ka lah ban labit para ksew bad na ki ksew sha kiwei pat ki jait mrad kum ki
miaw, shrieh etc. bad ruh na ki mrad sha ki briew. Kane ka jingpang kadei na ka daw ki khniang
jingpang ba khot ‘Lyssa Virus’
Kane ka jingpang ka saphriang lyngba jong ki mrad kiba lamwir kaba mut kiba don ia une u
khniang rabies ha ka met jong ki. Ka jingsaphriang ka lah ban long lyngba kine harum:
1) Ka jingdait
2) Ka jingtrud
3) Kajingjliah
Ki dak ki shin jong ka jingpang Rabies ha ki ksew:
Ka jinglong jong u Ksew ka kham pher haba ia nujor bad ki por ba u shait u khlain. U
Ksew u lah ban dait kulmar ia kiwei kiwei pat ki tiar ki bym long bam kum ka
khyndew, u maw etc.
Ka jingdait kulmar ia ki briew kiba khlem pynthud ia u Ksew. Ka jingdait ia palat ar
ngut ki briew ne palat ar tylli kiwei pat ki jait mrad.
U Ksew um i thait bad um kwah ban shongthait ne u ksew u kwah ban kiar na ki briew
bad kiwei pat ki para ksew bad kwah ban shong marwei khamtam ha ki jaka ba long dum
Ka jingmareh ne ka jingiaid u Ksew kam beit ne ka don ka jingiap shilliang
Ka jingkhie ring.
Ka jingmih bun ka umbiah ne ka jinglang jong ka tyrtho ha ka shyntur.
Ka jingwiar jong u Ksew ka kham pher ne haba u pyrshang ban wiar ka sur jong u kam
mih.
Ka jingdom riang kaba khlem kano kano ka daw.
Ki lad jingiada
Ka lad Jing iada ba kongsan tam na kane ka jingpang ka long da kaba ai tika ia ki ksew
ynda ki la dap 3 bnai ka rta,ka booster dose hadien 3-4 taiew bad ai biang man la u snem.
Da kaba khanglad ia ka Jingroi ki ksew surok ki bym don nongsumar
Da kaba khanglad ia ki ksew surok ban shang pathar
Lada shah dait dei ban leh kumno?
Step 1 – Dei ban sait ia ka bynta ba shah dait da ka um bad sabon ha ka kor kumba 15 minit. Dei
ban leit mar mar sha ki jaka ai sumar ba jan tam jong phi ban ioh ia ki injek tika, Ka jingioh ia ka
tika kan iada ia phi na kane ka jingpang.
Step 2-Pyndep ia ki injek katkum ka jingbthah ki doctor.
Step 3 – Lada ki jingri ne ki ksew jong phi ki shah dait ha ki ksew lamwir, phi donkam ban
pyntip sha ki Veterinary Doctor Ka kamram jong ki nongri jingri
Lada shah dait ha ki ksew u lajong yn leh kumno?
Teh ia u ksew ha kawei ka jaka bad peit thuh 10 sngi don jingkylla ne em ha ka jinglong u ksew.
Pyntikna ban ai tika biang por ia ki jingri jong phi. Phah peit ia ki jingri jongphi ha ki Veterinary
Doctor kham kloi lada ki lah dait ia kiwei pat ki jingri.
Ka kamram jong ki nongi jingri
- Phi dei ban phah eksamin ia ki jingri jong phi na ka por sha ka por bad ruh ban ai tika biang por
ha ki Doktor. - Ka Jingai tika ka long ka kam kaba kongsan tam ban iada na kane ka jingpang rabies
- Shah ban ialehkai ia ki khun jong phi bad ki Jing ri tang lada don kiba rangbah hajan.
-Wat nym shah ia ki khun jong phi ban buh ki kti ha ki shyntur Jong ki mrad. Wat nym shah ia ki
khun jong phi ban pyndei ki dur khmat Jong ki hajan ki mrad - Phi dei ban phah dab ia ki Jingri jong phi ha ki doktor ban pynduna ia ka Jingkha pathar.
- Kane kan iarap ruh ban pynduna ia ka jingdom.
- Haba ialam kai ia ki ksew dei ban da teh khnang ba kin nym mareh kulmar.