Kat kum ka khubor sorkar ba la phah na ka East Jaiñtia Hills District la iathuh ba kan sa don ka jinghap slap kaba jur bha hapoh ka Jylla Meghalaya baroh ka wei. Ha kum kine ki por kaba jur palat u slap ki nong shong snhnong ki dei ban long ki ba phikir bha ban iada ialade khnang ban lait na kano kano ka jingjia kaba sngewsih.
Ha kaba ia dei bad kane na ka liang ki bor pyniaid District ki la kyntu ia ki paidbah ba kin long kiba husiar bha haka jingleit jingwan jong ki. Ki dei ban kiar na ka ba jam sha shiliang ki wah bah ne iaid lyngba ki um kiba tuid, kiar naka jingñiah iaki kali haba don ka jingshlei um bad kiar naki post electrik ban lait naka jingshah bat ha ki bor electrik.
Ki paidbah ki dei ruh ban kiar na kaba leit sha ki jaka ba lah ban twa khyndew, kiar na kaba iaid lyngba ia ki wah khlem ki jingkieng kiba shngaiñ bad dei ban kiar naka ba leit sha ki jaka rud wah, ki jaka ba tuid khyndew, bad na ki jaka tih par.