Ka Election Commission of India (ECI) ka dang pynkhreh ban pyllait ia ka ECINET— ka unified digital platform kaba la shna kyrpang ban pynthymmai kumno ki nongthep vote bad ki ba don bynta lang kin don ka jingiatreilang bad ki ilekshon.
Haba kren bad ki nongthoh khubor u Chief Electoral Officer ka jylla u Dr. B.D.R. Tiwari, u la pynbna ba ka ECINET kan trei kam palat ia ki 40 tylli ki mobile bad web application kiba don mynta sha ka single, streamlined interface.
Kane ka platform kan iarap ia ki nongthep vote , ki ophisar jong ka tnat election, ki seng sain pyrthei, ki sengtrei mon sngewbha ba kin ioh ka lad ban tip lyngba kane la system.
U Dr. Tiwari u la ban jur ba ka thong jong ka ECINET ka long ban pynkhlaiñ shuh shuh ia ki ba pyndonkam ba kin ioh jingtip to bha. Ia kane la sdang da u Chief Election Commissioner u Gyanesh Kumar mynta u snem ha ka Conference jong ki CEOs, da kaba kular ba kin lah ban pynwandur bha bad kin iaid beit ki kam ki jam khlem ka kano kano ka jingthud.
