Ka jingther jong u lapbah bad ka jingbeh kyrthep jong lyer kala wanrah ka jingkdiah jong ki tnat dieng kseh baheh kiba la hap halor ki wire lait ha jan ka ophis DTO WJHD, Moowamon Mihmyntdu. Kine ki dieng ki dei kiba la iaw bha ka rta kiba don ha u surok bah, hajan katei ka phis DTO.
Kum ban shu pynkynmaw ba ia kine ki diengkseh na ka liang ka seng AHPUF, kala dep ban leit ai jingthoh sha ka ophis jong ka State Transport, Jowai Depot, namar ba kine ki dieng kseh ki dei kiba don hapoh ka jaka jong katei ka tnat. Na ka liang ka AHFUF ka kyntu ia kane ka ophis ban khyllem ne pom noh ia ki. Namar kine ki dieng ki dei kiba la heh bad kiba la iaw ka rta ki lah ban khlyllem ne kdiah ha kano kano ka por, kaba lah ban buh ka jingma ia ki paidbah.
