Ki Pulit jong ka East Jaiñtia hadien ba ki la ioh jingtip ba uwei u nongkhaïi drok uba kyrteng u Abul Kashim Md Abbas u la kit ia ki tiar ba la kheiñ be-aiñ bad u la shong da ka bus night super. Ki pulit ki ba pynlong ia ka jingap shrip ha shnong Umtyra, EJHD hapoh ka jingialam u Bidhan Bhattacharjee, MPS DySP (Crime) Khliehriat, ki la ioh ban pynsangeh ia katei ka bus ha Umtyra, ki Pulit kila bat noh ia tei u briew u ba rah lang bad 2 tylli ki pla bad ha kawei ka pla la lap ia ki tiar ba long beaiñ.
Hadien ka jingjurip kaba kaba bniah katkum ka aiñ NDPS la leh ha ka jingdon lang ki nongsakhi ba laitluid bad la lap ia 25 tylli ki synduk sabon kiba don ia u powder uba saw, uba dei u jait jingdih pynbuiad (heroin).
Haba ki Pulit kila thew ia ka jingkhiah kitei ki powder ki la kot sha ka 290 gms. Baroh ki jingdonkam la leh ha katei ka jaka bad la rah noh ia utei u nongshah kynnoh u Abul Kashim Md Abbas, uba na ka shnong Patharkhandi, District Karimnganj, Assam, sha Khliehriat PS bad ka jingtohkit ka dang iaid shakhmat, pynkut ka khubor Pulit