Hynnin ka janmiet jong ka 18.09.2024, ha ka por kumba 7:30 baje eiei katba ka kynhun ki Pulit jong ka Jowai PS ki dang pynlong ïa ka jingiaid pahara, ki la ïohi ïa ki ar ngut ki briew hajan Thomas Jones Synod College, Jowai kiba la suba jur ba ki donkti ha ka ki kam be-aiñ, kumta ki Pulit ki la kem ïa kitei arngut kiba la tip kyrteng kum u Sdangki Myrphet 35 snem bad u Wandao Bareh 42 snem kiba na ka shnong Panaliar, Jowai.
Ki pulit hadien ba la tohkit bad khynra na kitei ki ar ngut kila lap ia ki jingdih pynbuaid uba dei u Heroin uba khiah haduh 5.1 gram ryngkat bad ka pisa kaba kot sha ka Rs 31,730/- tyngka. Ia kitei ki ar ngut ki Pulit kin dang pynlong ia ka jingtohkit khnang ban lap ksai shuh shuh ia ki kam jong ki.