U Chairman ka Meghalaya Pollution Control Board u R. Nainamalai, IFS u la pyntip ba ka bor Pyniaid jong ka Meghalaya Pollution Control Board ha ka 5 tarik Rymphang 2025 ka leit khang ia ki 6 tylli ki karkhana ha Byrnihat.
Ki karkhana kiba la shang khang kyrdep ha Byrnihat ki long ka M/S Shyam Century Ferrous Ltd. (Ferro Alloy), M/ S Khasi Alloys Ltd.(Ferro Alloy), M/S S.R (India)Bio Product Pvt Ltd .(Re Rolling Mill ), M/S Pawan Catings Meghalaya Pvt Ltd (Re Rolling Mill), M/S F.W Ferrotech Pvt Ltd (MS Ingot and Re Rolling Mill) bad M/S Nalari Ferro Alloys Pvt Ltd.(Ferro Alloy)
Haba kren sha ki lad pathai khubor na ka liang u Chairman ka Meghalaya Pollution Control Board u R Nainamalai, IFS u la ong ka daw ka jingkhang khyrdep ia kine ki karkhana ka dei na ka jingbym bud ryntih ia ki kyndon aiñ ba la buh da ka Meghalaya Pollution Control Board bad ka jingbym lah ban tehlakam ia ka jingmih ka lyer jaboh na kine ki karkhana.