Ka seng FKJGP-Khliehriat Circle mynta ka sngi hapoh ka jingialam u President ka seng u bah Michal Chyrmang ryngkat ka jingdonlang u Vice President ka seng u bah Wanky Lyngdoh bad u General Secretary ka seng u bah Fullmoon Nongtdu bad katto katne ki dkhot jong ka seng, kala leit ban khang Tala mynta ka sngi ia kawei ka dukan jong u barjylla ha Ladrymbai Dongwah, East Jaiñtia Hills.
Ka seng kala leit khang ia katei ka dukan dei hadien ba kala ioh jing ujor na ka wei ka long kmie ba u wei u bar jylla ula die ia ki jait jingbam kiba la kut por (Expire date) sha katei ka longkmie bad na ka liang jong ka seng ruh marsien ioh ia ka jingujor ka seng kala leit kynra ia katei ka dukan ba die ia ki marbam kynnah jong u wei u barjylla. Ha ka jingkynra ka seng kala ioh kurup shibun ki jait jingbam khynnah kiba la kut por bad marsien iohi ia kitei ki marbam bala kut por na ka liang jong ka seng kala pyntip sha u Food Safety officer jong ka East Jaintia bad nakaliang jong ki briew ka Food Safety ruh kila poi mar mar sha katei ka dukan bad na ka liang jong katei ka office kala kurup ia kitei ki marbam khnang ban ioh leh ia kaba donkam.
Katkum ka jingiathuh jong ka seng la ong ba u tei u barjylla ula tyrwa da ki phew hajar tyngka ia ki nongialam ka seng ban sngap jar ia katei ka kam beain jong u bad na ka liang jong ka seng ka pynphai ktien da kaba ong “Ngim dei ki khwan lalot da kaba buh jingma ia ki khun ka East Jaintia”. U tei u barjylla wat ia ka Food License bad ka trading License ruh umdon. Khadduh na ka liang jong ka seng ka kyntu iaki paidbah ban khmih bha iaki tarik jong ki marbam shwa ban thied khnang ba kan ym buh jing ma ia ki khun ki kti jong ki bad ka seng ka maham ia kiwei ki dukan bar jylla kiba juh mlien ban die ia ki marbam bala kut por. Ka seng ka kyntu ruh ia ka tnad jong ka Food Safety ban leit jurip man ka por ia ki dukan marbam khnang ba kan ym buh jingma ia ki paidbah ha ba ki thied ia ki marbam mardih.
