Ki MDC ka Voice of the People Party (VPP) mynta ka sngi 17 tarik u Nohprah naduh ka por 9 shiteng kila leit ban khang tala syndon ïa ka khyrdop (Gate) jong ka JHADC namar ka jingduh tulop ba 9 bnai jong ki nongtrei ka JHADC.
Ki dkhot ka VPP kynthup ïa ki MDC bad ki nongkitkam jong ka napoh ka Jaiñtia Hills kila pyneh bna ieng beit hakhmat jong ka khyrdop ka JHADC tad haduh ban ïoh ïa ka jingpynshai lyngba ka jingthoh halor kane ka jingduh tulop bad lano ka sorkan kan siew noh.
Kitei ki MDC ka VPP haba iatai bad ki ophisar sorkar kila pynsngew ia ka jingthok bad ki jingshukor jong ka sorkar naduh ki bnai bala dep kiba la kular ban pynïoh noh ïa ka tulop hynrei haduh mynta ka sngi kila long tang ki jingkylar khlem ki kam.
Kila pynsngew ruh kane ka jingdub tulop ki nongtrei la 9 bnai bad ki MDC 5 bnai kala buh jingeh ïa ki ban thied ïa ki jingdonkam ha ki ïing ki sem bad ki jingdawa ban siew ïa ki khun ki kti, da kaba ong kiba bun na ki nongtrei kila hap ban shim da ka ram ban pyndap ïa kitei ki jingdonkam.
Haduh ka por 12 baje ki tei ki MDC kiba pyrshah ki dang ap beit ban ïoh ia ka jingkular bad ka jingpyn shai na ki bor ba halor halor kane ka jingduh tulop.
