U Deputy Commissioner (Supply), East Jaiñtia Hills District, Khliehriat ula pynmih ïa ka hukum ban khang pyrshah ïa kino kino ban pyndonkam ïa ka tyndong lyershet (LPG) kaba don ka jingkhia 14.5 kg ha kino kino ki kam khaïi jong ki, la ka dei ha ki Hotel, Restaurants, Canteens, ki dukan die rud surok (Street Vendors Shop) bad kiwei.
Baroh ki jaka khaïi (Commercial establishments) ki dei ban pyndonkam da ki tyndong gas kiba khiah 19 kg ha ki jaka trei jong ki, kaba long katkum ka kyndon Clause (3) of Section 3 of the LPG (Regulation of Supply and Distribution) Order, 2000.
Lada lap ïa kino kino kiba leh pyrshah kin hap ha ka jingpynshitom katkum ka kyndon Clause 3 (C) and 7 (C) of LPG (Regulation of Supply and Distribution) Order, 2000.