Ka jingkhot pakhang iew da ka Dorbar Shnong Tympang Iawmusiang na kaba bynta 36 kynta kaba la sdang naduh mynta ka sngi kala long kaba jop ha kaba la sakhi ia ka jingthylli ki lynti syngkieng, ka jingbymdon ki kali motor, ka jingkhang lut ki iew bad ki dukan bad wat ki nongleit nongwan ruh kila duna bad kynjah.
Ia kane ka jingkhot pakhang iew la iasnohkti lang ruh da ka Dorbar Shnong Ladthalaboh, ka Dorbar Shnong Loom Soo Iung bad ka Dorbar Shnong Chutwakhu, halor ka nongrim ban pynbor ia ka sorkar ban pynioh noh ia ka jaka theh ñiut kaba pura, khnang ban lait ka jingsahkut ki ñiut ki ñier hapoh shnong poh thaw bad khamtam ha ki bynta ba don ki iew.
