40 ngut ki briew ki la iap bad da ki spah ngut kiwei ki shah ker kut na ka jingshlei um kaba jur bha mynta ka sngi, ka la don ruh ka jinghap khyndew kaba jur ha Meppadi, hajan Wayanad District jong ka Kerala ha ba ka jingther jong u slap mynta ka step ka long kaba jur haduh kata kata.
Ki jaka ba shah ktah bun na ka jingshlei um ki dei ha ka thaiñ Mundakkai, Chooralmala, Attamala bad ka Noolpuzha. Na ka liang ka ophis u Myntri Rangbah Duh ka la kular ban ai jingiarap 2 lak sha kiba iap bad 50 hajar sha kiba mynsaw na kane ka jingjia.
Ha ka jingshlei um la iohi ruh ia ka kali ba shah rong noh ha ka umsaw bad ka la sahkut noh ha ki tnad Dieng iathuh ka tyllong khubor.
