Ka khubor Pulit kaba la ioh la iathuh ba ar ngut ki samla u wei uba niah ia ka bike bad u wei uba niah ia ka Scooty kila khlad noh hashen hadien ka jingiatakhuh, ha ka miet jong sngi Thohdieng kumba ha ka por 8:50 ei ei.
Ka khubor ka iathuh ba ki ar ngut kiba shong hadien ruh kila mynsaw jur. Kane ka jingjia kala jia ha Khapmara, Bhoirymbong.
Kine ki ar ngut kiba la khlad la tip kyrteng kum u Martynshain Myrthong ba 20 snem bad u Nangskhem Lyngdoh ba 18 snem. Kiba mynsaw la tip kyrteng ka Ibaphylla Matlang ba 19 snem bad ka Pdianghun Pathaw 19 snem hi, kiba dei na ka shnong Nongladaw. Ia kine ki ar ngut la leit pynkit mar mar sha Bhoirymgbong CHC bad hadien katto katne por la pynkit noh ia ki sha Shillong Civil Hospital.
Ka jingtohkit na ki Pulit jong ka Khapmara PIC ka la nangiaid shakhmat ban lap ia ka daw jong kane ka jingjia aksiden.
