U Chairman ka Jowai Municipal Board (JMB) u ma Lasooki D Lakiang ula khlad kyndit na kane ka sla pyrthei ha ka step jong ka 03.11.2023.
U ma Lasooki Lakiang u dei u lok jong ka kong Lumlang Patwet bad u kpa jong u Larilang-O Patwet, ba shong ba sah ha ka dong Riatmoolaiñ Ladthadlaboh, Jowai. U Ma Lasooki u dei ruh u Waheh Shnong barim jong ka Dorbar Shnong Ladthadlaboh bad uba ju don bynta ban trei haka kam bhalang, ka imlang sahlang, ha kaba mynshwa u dei ruh u Founder member jong ka Jaiñtia Youth Federation (JYF) bad u juh bat ruh ïa ka kam President jong kane ka seng. U long ruh u dkhot jong ka Joint Action Committee (JAC) for Block I & II.
Ka jingleit ontep ïa u kan long ha ka 5.11.2023 haka por 3 baje nohphai sngi ha u lum jingtep ka Balang Presbyterian Thadlaboh, Jowai.