U wei na ki khlur ak phlim ba paw ka India u Dharmendra ula khlad noh mynta ka sngi 24/11/2025 ha ka rta kaba 89 snem, hadien ka jingshitom kaba la bat ia u la katto katne por.
U Dharmendra ula khlad noh ha ka iingsah jong u kaba ha Juhu, Mumbai. Dang ha kine ki khyndiat sngi u Dharmendra ula rung-rung mih-mih na hospital Mumbai’s Breach Candy Hospital namar ka jingshitom na ka jinglong tymmen jong u.
Ha kane ka jingkhlad noh jong u Dharmendra kila don shibun ki khubor sngewlem kiba la phah sha kiba haiing jong u kiba kynthup naduh u Myntri Rangbah ka ri u Narendra Modi, ki riew saiñ pyrthei, ki para actor jong u, ki nongpyniaid jong ka Bolywood, ki nongialam jong ka BJP bad khamtam eh na ki nongbud jong u.
Na ka liang jong u Myntri Rangbah ka Jylla u Conrad Sangma ruh u la phah ia ka khubor sngewlem sha kiba haiing jong u Dharmendra mynta ka janmiet.
Ka kyrteng trai jong u Dharmendra ka long Dharmendra Kewal Krishan Deol, la kha ia u ha u snem 1935, u dei u ba wan na ka shnong nongkyndong kaba la tip kum ka Nasrali, kaba don ha Ludhiana District jong ka Punjab.
