U ma Mihsalan Suchiang u khun jong i (L) Phidaros Suchiang bad u (L) Obiwel Kamar na Mowkaiaw, ula khlad noh ha kane ka step jong ka 7 tarik u Nailar ha ïing jong u ha Mukhap West Jaiñtia Hills District na ka jingshitom ba la bat ïa u la katto katne snem.U ma Mihsalan u dei u khun u shynrang ba nyngkong napdeng ki 7 ngut shi para uba long u khun shynrang ba marwei, hashwa ba un rung sha ka kam saiñ hima sima u la pyndep ïa ka Post Graduate (MA English) na ka Guwahati University.La kha ïa u ma Mihsalan ha ka 24 June 1942, ula long teng kum u MDC haduh saw sien bad lai sien kum u MLA bad uba la juh bat kum u Minister barim, u ma Mihsalan udei ruh u kpa jong u MLA ba mynta jong ka 4 Mowkaiaw Constituency u ma Nujorki Sungoh.Ïa ka met jong u ma Mihsalan yn pyndep lashai ka sngi 8 tarik ha u lum jingtep ka Balang Presbyterian Mukhap ha ka por 1 baje nohphai sngi.