Ka Local Truck Owners & Drivers Association hapoh ka jingialam u Bah Egenstar Kurkalang mynta ka sngi ka 8 tarik Nailar kala lum ia ka jingialang ha Umphyrnai ban iamir jingmut lang ha kaba iadei bad ka jingpyntreikam jong ka Sorkar ia ka Meghalaya Minerals (protection of illegal mining, transport & storage rules, 2022).
Ha kane ka jingialang da kawei ka sur kila shim ia ka rai ba kin kamai beit khlem ka challan kumba la bthah ka tnad forest bad lada shah bat kano kano ka kali, dei ban pyntip bad baroh ki trai bad ki nongñiah kali ki dei ban ia mih paidbah ban ia poi ryntih lang ban leit sha ki jaka ba shah bat ki kali bad lada dei ban block ia ka Surok ruh kim banse ban iaid beit da kane ka lynti kumba ki la rai lang da kawei ka sur kum ka Association.
Kiba poi sha kane ka jingialang ki kynthup naduh West Khasi Hills, Eastern West, Mylliem laitkhroh bad na East Khasi Hills District.
