Mynta ka sngi ka sorkar Jylla lyngba ka tnad Secretariat Administration Department (NAZARAT) ka khot aplikeshon na ki nongshong shnong jong ka jylla na ka bynta ban thep ia ki kam kiba don 119 tylli ha ka thup Grade-IV bad ki dei ban pass ia ka kyrdan kaba Hynriew (Class VI).
Kine ki post ki kynthup ia ka kam Peon 77 tylli, Cleaner 30 tylli, Sweeper 3 tylli, Chowkidar 8 tylli bad Mali 1 (wei). Ki post na ka bynta ka kam Chowkidar bad Mali kan dei tang na ka bynta ki shynrang.
Ka jingthep kam kan long katkum ka rta bala buh da ka sorkar ba ym dei ban palat ia ka 32 snem ne duna ia ka 18 snem haduh ka 1st January 2022, kan don ruh ka jingpynjlan ia ka rta da 5 snem na ka bynta ki Schedule Tribe bad Schedule Caste.
Ia ki phom lah ba phah da online da kaba leit ha ka website jong ka http://megrecruitment.nic.in/rpa bad ka tarik ba khadduh ban pynpoi ia ki aplikeshon kan long ha ka 7.3.2022. Ia ki jingtip ba bniah lah ban ioh lyngba kane hi ka website.