Ka West Jaiñtia District Sports Association (WJDSA) Jowai ka khot Entry na ka bynta ka lympung ïalehkai phutbol kaba la tip kum ka “Independent Day Cup” Under- 17 Football League Tournament 2024, ïa kaba yn sa pynlong ha madan Kiang Nangbah Stadium Dongmihsngi, Jowai.
Na ka liang u Hony. General Secretary ka WJDSA ma Lammat oo Laloo ula pyntip ki kyndon ïa ki kynhun kiba don jingmut ban ïashim bynta ki long kumne, ka bai Entry Fee ka long Rs.2750/- tyngka ha ryngkat ka bai Register ïa ki Players 25 ngut.
Ka rta jong ki nongïalehkai ka long ïa kiba kha ha ka 1.9.2007 bad ki lah ban pynshisha ha ryngkat ki original Certificate, Birth Certificate bad Aadhaar Card.
Ka sngi ba khadduh ban pynpoi ïa ka bai Entry kan long ha ka 25.07.2024, na ka bynta ka Screening yn pynlong ha ka 27.07.2024 naduh ka por 10 baje mynstep ha Kiang Nangbah Indoor Hall Dongmihsngi, Jowai.