Ka West Jaintia District Sports Association (WJDSA) ka khot ia kino kino ki club kiba kwah ban iashim bynta ha ka lympung ialehkai ‘Independence Day Cup U-16 Football League Cum Knock out Trounament 2022’ ka ban sa pynlong kyrpang na ka bynta ka jingrakhe ia ka sngi ioh laidluid ka ri India.
Kat kum ka khubor ba la pyllait da u Hony. General Secretary ka WJDSA, Jowai la iathuh ba ka bai rung kan long T.1500/- (Khadsan spah) tyngka. Ka bai register ia u wei u wei u player ka long T.30/- (Laiphew) tyngka, ki player kim dei ban tam ia ka 25 ngut bad kim dei pat ban duna ia ka 20 ngut.
Ka rta jong jong ki player ka dei kiba kha ha ka 1st Jan 2007, ki dei ruh ban wan rah ia ki syrnod ba la ithuh da ka sorkar.
Ka tarik kaba khadduh ban pdiang kan long ha lane shaw ka 9.07.2022. Ia ki kynhun ba wan dier por ym lah shuh ban pdiang.