Ka Federation of All School Teachers Of Meghalaya (FASTOM) ka Federation jong ki nonghikai skul Adhoc kan pynlong ia ka General Meeting lane ka jingialang paidbah ha ka 07.10.2023 ha Madan New Nongstoin Play Ground pyrshah ka Office E.E PWD (Roads) Nongstoin Division, ha ka por 11.00 AM thik.
Ka Registration jong ki members lane ka jingpynrung kyrteng ialade kan sdang naduh ka por 9.00AM. Kane jingialang paidbah ka long kum ka jingpynkhreh jong ka Federation ia ki jingiakhih ba tyngeh nangne shakhmat lada ka sorkar ka iai sngap mynthi ban pynurlong noh ia ki jingdawa ban kyntiew Deficit noh ia baroh ki Adhoc skul ka jylla Meghalaya baroh kawei.
Kumta ka Federation ka khot sngewbha ia baroh ki nonghikai skul Adhoc naduh L.P haduh Higher Secondary ban pyllait por khnang ban wan sha katei ka General Meeting khnang ba ki jingkhmih lynti bad jingangnud jong ngi kan long ka ba jop.
Kane ka long katkum ka jingpyllait khubor na u Publicity Secretary FASTOM Central Body.