Ka Deputy Commissioner, East Khasi Hills District ka la pyntip paidbah ba kan sa don ka jingpynbna ia ka kyrteng jong ki nongioh ia ka khusnam Padma Awards kiba kynthup ia ka Padma Vibhushan, ka Padma Bhushan bad ka Padma Shri ha ka jingrakhe ia ka Republic Day jong u snem 2023.
Kumta na ka liang jong ka ophis jong ka DC, East Khasi Hills kala pynkhreh ban pdiang ia ki kyrteng jong kino kino ki briew kiba don bynta ha ki kam jingjop jong ki, kiba kynthup ha ka Art, Literature and Education, ka Sports, Medicines, Social Work, Science and Engineering, Public Affairs, Civil Service, Trade and Industry bad kiwei kiwei ki lah ban phah ia ki kyrteng jong ki sha kane ka ophis na ka bynta ban phah ia ki sha ka sorkar na ka bynta ba kin shah jied.
Ia ki kyrteng dei ban pynpoi sha katei ka ophis ha lane shwa ka 14 tarik u Nailar (August) 2022. Ia ki jingtip ba bniah lah ruh ban ioh na ka Website jong ka District.