Ka tnad Meghalaya Sports and Youth Affairs ka khot ka wer ia ki nongshong shnong jong ka Jylla ba kin ia wan ha ka 19 tarik mynta u bnai ban ai mynsiem, ai khublei ia ka klob Northeast United FC kaba dei ruh ka lahduh jong ka lympung Durand Cup 2024.
Nalor ka jingïoh kabu ban kynduh ia kitei ki rangialehkai, yn ioh ruh ban sakhi ia ka Trophy Durand Cup kaba dei ka lympung ba la rim tam ha ka dewbah Asia ia kaba yn pyni ha madan Jawaharlal Nehru stadium Polo Shillong naduh ka por 10 baje mynstep.
Kum ban shu pynkynmaw, ka North East ka la ïoh ban rah ia ka nam ba lahduh ha ka sien ba nyngkong lyngba ka jinglah ban pynliem ia ka Mohunmedan kaba dei ruh ka lahduh jong u snem 2023.
Ka thong jong ka North East ban wanrah ia ka Trophy Durand Cup ha kane ka Jylla ka long ban pynpaw ia ka jingsngewnguh ia ka jingkyrshan ki paidbah naduh ba sdang kane ka lympung haduh kaba kut namar ka nongbah Shillong kadei kawei na ki Jylla kaba shah kynthup ha kane ka klob kaba heh..