Ka North East Zone Cultural Centre (NEZCC) Ministry of Cultre jong ka sorkar India kaba don ha Dimapur ka khot aplikeshon na ka bynta ban iakhun ia ka khusnam kaba la tip kum ka Young Talent Artistes Award jong u snem 2020-2021.
Kane ka khusnam ka dei na ka bynta ki jingrwai tynrai, ki jingshad tynrai, ki jingialehkai Drama, ki jingdrodur, ki jingshna jingthaiñ ba da u siej, ki jingshna khiew khyndew bad kiwei kiwei.
Ki khun samla kiba don ha ka rta kaba 18-30 snem (haduh ka 15 March,2022) ki long kiba lah ban aplai ia kane ka khusnam. Kane ka khusnam ka kynthup Rs.10,000/- tyngka ryngkat ki Memonto.
Kiba lah ban iakhun ki dei ban long ki nongshong shnong jong ka ri India bad ruh ki nongshong shnong jong ki phar tylli ki jylla ka thaiñ shatei lam mihngi, kiba kynthup ia ka Arunachal Pradesh, Assam, Manipur, Meghalaya, Mizoram, Nagaland, Sikkim bad ka Tripura.
Kito ki nongiakhun kiba la ju ioh teng ia kane ka khusnam ha ka juh ka phang kim lah sha ban aplai ia kane ka skhim.
Kino kino kiba don jingthmu ki lah ban leit shim ia ki phom na ka ophis Directorate of Art & Culture / Cultural Affairs, jong ki sorkar jylla. Ha ka juh ka por ia kine ki phom lah ruh ban ioh na ka website https://nezccdimapur.org.in bad https://www.facebook.com/NEZCC, ka tarik kaba khadduh ban pynpoi ia ki aplikeshon kan long ha ka 15 tarik u Lber 2022, yn ym lah shuh ban pdiang ia ki aplikeshon ba wan dier por.