Ka Shillong Lajong FC kawei na ki club jong ka jylla ka la wan ban pyntip paidbah mynta ka sngi ka 5 tarik Naiwieng 2024 sha ki lad pathai khubor, lyngba u Nongaikiten jong ka Club u bah Seibor Sana u ba la pyntip ba ka Shillong Lajong mynta ka la pyllait paidbah bad pyntip ba kan pynrung dkhot noh ia ki nongkyrshan jong ka.
Kumta na ka liang u CEO jong ka Shillong Lajong lajong u Bah Habamutlang Lyngdoh u la pyntip sha ki nongkyrshan haba iadei bad ka jingrung dkhot hapoh club. Ki Jingmyntoi ban long dkhot ki long, ha ka Gold membership -3500 tyngka, kin ioh ia ka official jersey scarve, cap & keychain bad ki ticket ha man la ka jingialehkai I- league bad kumjuh 50 percent ka jingduna dor jong ka ticket ha man ki jingialehkai. Ha ka silver membership card – 2500 tyngka kin ioh ia ka jersey, scarve & keychain bad ki ticket ha man la ki jingialehkai I- league bad kumjuh 50 percent ka jingduna dor ha kaba iadei bad ka ticket ha man la ki jingialehkai I-league kaba sdang naduh ka dor 150-300 kawei ka ticket. Ha ka bronze membership ship card-1500 tyngka, kin ioh ia ka jersey scarve & keychain bad kin ioh ia ki ticket ha man la ki jingialehkai I-league bad ka dor jing ka ticket kin ioh duna 50 percent naduh ka dor 150-300 tyngka ha man la jingialehkai.
Kino kino ki nongkyrshan kiba kwah ban pynrung dkhot ialade ki lah ban leit ha ka official club jong ka shillong lajong ha Instagram bad ha Facebook naduh mynta ka sngi bad ki lah ruh ban wan mih sha ka ophis jong ka club ha Hotel Centre Point Police Bazar Shillong.
Kumta ki bor pyniaid jong ka Shillong Lajong FC, ki kyrpad biang sa shisien ba kin kyrshan biang ia ka club ha ka I-league ka ban sdang ha ka 24 tarik mynta u bnai ha JN Complex Polo kumba ki la kyrshan ha ka jingialehkai Durand cup kaba dang shu dep ha Shillong bad khmih lynti ba mynta ka kynti ruh kin ai jingkyrshan ba radbah ia ka club.