Ka tnat Directorate of Sports & Youth Affairs jong ka sorkar Jylla kan sa phah ia ka kynhun ban leit iashim bynta sha ka 68th National School Games 2024-25 ha ka jingialehkai Basketball ka ban sa long ha nongbah Patiala, Punjab naduh ka 20 tarik haduh ka 26 tarik u Naiwieng, 2024.
Ha kaba iadei bad kane ka sorkar kan sa pynlong ia ka jingjied player bad na ka bynta ki khynnah shynrang kiba hapoh ka Under-19 yn pynlong ha ka mynta ka sngi naduh ka por 7:00 mynstep shaneng. Katba na ka bynta ki kynthei ba hapoh ka Under-19 yn pynlong lashai 2 tarik ha Basketball Court, J. N. Sports Complex, Polo, Shillong.
Kino kino ki samla kiba don jingthmu ki hap ban wanrah lang ka Aadhaar Card bad ka Birth Certificate da ki original ban ioh pynthikna.
Na ka bynta ka jingtip kaba kham bniah lah ban ia kynduh ia i kong Yolinda Hynniewta, Basketball Coach, Directorate of Sports & Youth Affairs, Shillong lane phone ha u no: 879443576.