Ka West Jaintia District Badminton Association (WJDBA), Jowai, kan sa pynlong ia ka 13th District Badminton Tournament 2022 tang na ka bynta ki khun ka ri lum Jaintia baroh kawei, kumta ka Association ka khot bat wer ia baroh ban wan iashim bynta ha kane ka jingialehkai Badminton, kaban sdang naduh ka 8-8-2022 haduh ka 13-8-2022.
Ia kane ka jingiakhun yn pynlong ha ka por 6 baje janmiet ha Indoor Hall ka seiñ Raij Jowai, kaba don ha Tpep-pale (Madan Ryngkaw).
Ki kyrdan ialehkai ki long kumne, (1) Open for Men & Women Single/Doubles, (2) Mixed Double (3) 35+ Men Singles/Men Doubles bad ka 55+ Men single & Men doubles.
Ka tarik ba khadduh ban pynpoi ia ki kyrteng kan long ha ka 4-8-2022 hapoh ka por 7 P.M.
Kum shi bynta ban bit ban biang ha kane ka Tournament, ka Association ka buh kyndon ia ki Nongiashim bynta ban bud thik ia ka por sdang bad ka reporting time hapoh ka 6 baje janmiet. Ym shah ruh ban pan por.
Ki bymlah ban wan hapoh ka por bala buh, ka Association ka lah ban weng noh ia ki na ka kane ka tournament, kumta ki nongiashimbynta kidei ban iatreilang bad ka Seng.
Ia ki jingtip ba kham bniah phi lah ban phone ha u Mr.Richard Mylliem Tournament Secy – 9436566773 bad ha u Chairman ka Tournament Committee Mr.Teddy Laloo-9378194223 bad Mr. Arwotki Shullai 8729945134
Kane ka long katkum ka jingpyllait khubor u ma Teddy Laloo, Chairman Tournament Committee.