Ka seng Jaintia Students’ Union ha ka 30 tarik April 2022 kan pynlong ia ka sngi plie lyngkhuh dap 50 snem (1972-2022) ka seng ha District Library, Jowai haka por 10 baje mynstep bad ha kane ka sngi yn long Kongsan da u President barim ka seng u Dr.W.R Kharlukhi ba long ruh u MP ka Rajya Sabha ba mynta bad u Symbud Kongsan u President barim ka seng u ma Garland Rymbai bad yn don lang ruh baroh ki nongialam barim ka seng ha kane ka sngi.
Kumta ka seng ka khot ka wer sngewbha iabaroh ki dkhot barim kiba don shajan ne sha jngai ba kin ia sngewbha ban pyllait por khnang ban ia don lang hakane ka sngi bakan long ka prokram kaba shongkun bad ka jingdon lang ki dkhot barim bad kiba thymmai kan nang ai mynsiem shuh shuh iaki dkhot ba thymmai ban nang iai trei shitrhem met bad mynsiem na bynta ka jaitbynriew hi baroh kawei.