Ka Seiñ Raij Ialong kumba ju long man la u snem kumba la pynjuh pynlong da ki longshwa manshwa ha kane ka kynti ruh kan pynlong biang ia ka tamasa niam Nohsakyriat bad ka Shadsukra ha shnong Ialong.
Ia ka Nohsakyriat yn sa pynlong ha ka 30/04/2024 naduh ka por 2:00 PM, katba ia ka Shadsukra pat ha ka sngi kaba bud kata ha ka 1/05/2024 ka ban sdang naduh ka por 1:00 PM.
Kumta ka Seiñ Raij Ialong lyngba u President jong ka u ma Pyrkhat Shylla ka khot sngewbha ia baroh ki lok ki jor kiba na jan bad na jngai kiba don ha kylleng ki bynta jong ka Bri u 7Trep ban iawan sakhi lang ia kane ka Nohsakyriat bad ka Shad Sukra jong ka Seiñ Raij Ialong, khnang ba kan long kaba phu ba phieng.