U Deputy Commissioner, ka East Jaintia Hills District, Khliehriat ha ka jingpylait khubor ula pyntip paidbah ba ka sorkar India lyngba ka Ministry of Home Affairs kala thaw ia ka khusnam ba la tip ka Jeevan Raksha Padak Series of Awards 2023 na ka bynta ki briew kiba long ki riewshlur kiba lah ban pyllait im ia ki para briew na kino kino ki jinglynshop ki bor mariang, ki jingpluh ding, ki jingtwa khyndew, ka jingpynmynsaw na ki mrad, ka jingpyllait ia kiba shah ban khyndew ha ki par ba ki trei bad kiwei kiwei de.
Ia kane ka khusnam yn ai ha ki lai bynta kata ka long ka Sarvottam Jeevan Raksha Padak, ka Uttam Jeevan Raksha Padak bad ka Jeevan Raksha Padak.
Kino kino ki briew ne ki dkhot jong ki shipai, ki Police Force bad ki Recognized Fire Service etc ki lah ban aplai ia kane ka khusnam. Ia ki aplikeshon na ka bynta ka ne ka khusnam Jeevan Raksha Padak Series of Awards 2023 hap ban phah lyngba ka website jong ka National Award Portal jong ka Ministry of Home Affairs (URL: www.awards.gov.in) da ka online bad ka tarik kaba khadduh kan long ka 30 tarik u September 2023.