U Deputy Commissioner bad Chairman ka District Disaster Management Authority, East Jaiñtia Hills District, Khliehriat ha ka jingpyllait khubor jong u mynta ka sngi ula iathuh ba ka sorkar India ka don ia ka khusnam ka ba shait sam shisien shi snem (Annual National Award) ia kaba la ai kyrteng ka ‘Subhash Chandra Bose Aapda Prabandhan Puraskar’, kaba iadei bad ki jingjia shah lynshop ha ki bor mariang.
Kane ka dei ka khusnam ka ba la kyrpang ia kino kino ki riew shimet ne kynhun kiba don bynta ban ai jingiarap ia ki lanot halor ka jinglynshop jong ki bor mariang.
Kumta u DC ula pyntip ba lada don kino kino ki nongshong shnong jong ka East Jaiñtia Hills District kiba don bynta ha ki kam iarap ha ka jinglynshop ki bor mariang ki lah ban aplai ne pyndap online ia kane ka khusnam na ka bynta u snem 2024 lyngba ka website https://awards.gov.in. bad ka tarik ba khadduh ban pdiang ia ki aplikeshon phom kan long ha ka 31/8/2024.