U Deputy Commissioner, East Jaintia Hills District, Khliehriat ha ka jingpyllait khubor ula pyntip ba ka tnat shipai Indian Air Force ka khot aplikeshon na ka bynta kito ki samla shynrang bad kynthei ki bym shong kurim ban iakhun ia ka Agniveervajyu intake 01/2023 kaba hap hapoh ka skhim Agnipath. Kan don ka online Examination ka ban sdang naduh ka 18 tarik u bnai Kylla lyngkot jong ka snem 2023 ter ter.
Ka jingpynrung kyrteng lyngba ka online kala sdang naduh ka 7 tarik mynta u bnai bad kan kut haduh ka por 5:00 Pm jong ka 23 tarik mynta hi u bnai. Tang kiba pynrung kyrteng lyngba ka online yn lah ban pdiang. Na ka byta ka jingtip ba kham bniah lah ban peit lyngba ka website https://agnipathvayu.cdac.in.